పెళ్లిలో డాన్స్ చేస్తూ కుప్పకూలి యువకుడు మ్రుతి

నిర్మల్

పెళ్లి రిసెప్షన్ వేడుకల్లో బరాత్ లో డ్యాన్స్ చేస్తూ యువకుడొకరు మృతి చెందిన విషాద ఘటన నిర్మల్ జిల్లా కుభీర్ మండలంలోని పార్డి(కె) గ్రామంలో చోటు చేసుకుంది. గ్రామానికి చెందిన కిష్టయ్య కుమారుని వివాహం శుక్రవారం జరిగింది.శనివారం పార్డి(కె)లో వివాహ వేడుకకు సంబంధించి విందు జరిగింది.

ఇందులో పెళ్లి కుమారుని సమీప బంధువు. మిత్రుడైన మహారాష్ట్రలోని శివుని గ్రామానికి చెందిన ముత్యం (19) అనే యువకుడు డ్యాన్స్ చేస్తూ ఒక్కసారిగా కుప్ప కూలి పడిపోయాడు.గమనించిన స్థానికులు యువకుడిని లేపి పరిశీలించగా ఆపస్మారక స్థితికి చేరుకున్నాడు. దీంతో హుటహూటిన వైద్య సేవల కోసం గాను బైంసా ఏరియా ఆసుపత్రికి తరలించారు. అప్పటికే యువకుడు మృతి చెందినట్లు వైద్యులు తెలిపారు.